2025-ci ilin avqust ayının əsas şuter oyunu şübhəsiz ki, Battlefield 6 adlandırıla bilər: yayda keçirilən beta-testini müzakirə etməyən demək olar ki, qalmadı. İndi isə tərtibatçılar əldə edilən məlumatları təhlil edir və onları jurnalistlərlə bölüşürlər.
Yaxınlarda şuterin texniki direktoru Kristian Bul Eurogamer-ə müsahibə verib. Bul hesab edir ki, studiyalar köhnəlmiş kompüterlər üçün oyunlarını optimallaşdırmağa diqqət ayırmalıdırlar, çünki çox sayda oyunçu müxtəlif səbəblərdən (hardware) yeniləməyə tələsmir.
Yeni Battlefield onun fikrini yaxşı şəkildə sübut edir: tərtibatçının sözlərinə görə, beta-testdə iştirak edənlərin “əhəmiyyətli hissəsi” oyunu yalnız minimum sistem tələblərinə cavab verən konfiqurasiyalarda işə salıb. Hətta bəzi kompüterlər bu tələblərə belə çatmırdı.
Bulun sözlərinə görə, Battlefield Studios və Electronic Arts bu vəziyyətə hazır idilər. Ona görə də onlar oyunu hətta çox zəif sistemlər üçün uyğunlaşdırdılar. Xüsusilə, studiya öz texniki mütəxəssislərini xəritələrin dizaynına qoşdu ki, ekspertlər uyğun kadr sürətini (framerate) təmin etməyə kömək etsinlər. Komanda optimallaşdırma naminə ray tracing texnologiyasından da imtina edib.
Xatırladaq ki, “Battlefield 6” 10 oktyabrda satışa çıxacaq. Şuteri PC ilə yanaşı, PlayStation 5 və Xbox Series-də də oynamaq mümkün olacaq.
Fikirləriniz ?
