Alan Wake 2 çox da uğurlu oyun alınmadı: layihəyə yaradıcılarına gəlir gətirmək başlaması üçün düz bir yarım il lazım oldu. Lakin onun ssenaristi Səm Leyk nəticədən çox razıdır.
Remedy studiyasının əsas “danışan adamı” sayılan Səm Leyk “The Game Business” portalına verdiyi müsahibədə Alan Wake 2-nin yaradılma prosesi barədə danışıb. Bu oyun asanlıqla ərsəyə gəlməyib: Leyk yalnız ssenari yazmaqla kifayətlənməyib, o həm də səhnələri və canlı aktyorların çıxışlarını rejissorluq edib, musiqilərin və onların sözlərinin yaradılmasında da iştirak edib.
“Belə böyük bir istehsal bir nəfərin ətrafında qurulmur. Əgər hər məqamda iştirak etmək istəyirsənsə, çevik olmalı və hər şeyin alınması üçün dəli kimi işləməlisən. Mən hiss edirdim ki, buna dəyər, amma iş çox idi. Burada əsas mübarizə… yaradıcı baxış, istehsal reallıqları, qrafiklər, büdcə və miqyas arasında idi. Layihənin sonlarına doğru uzun müddət ərzində bir çox gecələr və həftəsonlarını işləməyə sərf etdim.
Bundan əlavə, Leyk videooyunlarda “müəlliflik” anlayışına inanmadığını və özünü Alan Wake 2-nin müəllifi adlandırmaq istəmədiyini bildirib. Layihənin baş oyun rejissoru Kayl Rouli olub, ssenarini yazmağa Kley Mörfi kömək edib, canlı çəkilişlərin əsas rejissoru isə Anssi Mäettä olub. Onlarla digər insan da bu tənqidçilər tərəfindən bəyənilən layihənin ərsəyə gəlməsində mühüm rol oynayıb. Leykin sözlərinə görə, oyun yalnız əməkdaşlıq nəticəsində ortaya çıxıb və başqa cür mümkün deyildi.
Qeyd edək ki, aprelin ortalarında Alan Wake 2 peşəkar rusdilli dublyaj da alıb – GamesVoice studiyası tərəfindən hazırlanan bu versiyada bütün personajlar və bəzi musiqili səhnələr səsləndirilib.
Fikirləriniz ?
