Keçən həftə “Activision” artıq çoxdan gözlənilən “Call of Duty Warzone Mobile” oyunun tam buraxılışını həyata keçirdi. Lakin premyera ətrafında olan bütün “hype”-a baxmayaraq, yeni oyun sələfini nəzərəçarpacaq dərəcədə qabaqlaya bilmədi.
AppMagic analitik xidmətinin məlumatına görə, 4 gün ərzində Warzone Mobile öz müəlliflərinə 1,4 milyon dollar (5 gün ərzində 1,6 milyon, erkən buraxılışı hesablasanız, müxtəlif testlər nəzərə alınmaqla 2,2 milyon) qazandırıb. Rəqəm təsir edici səslənir, lakin nəzərə almaq lazımdır ki, eyni dövrdə Call of Duty Mobile 4,2 milyon dollar, ilk həftədə isə 17,7 milyon (və 100 milyon dəfədən çox yüklənmə) qazandırmışdı.
Mobil Warzone-a gəlincə, ABŞ-dan olan oyunçular bu günə qədər oyuna ən çox pul xərcləyənlərdəndilər — məhz onlar yeni oyuna 1,1 milyon dollar pul xərcləyiblər (ümumi ödənişlərin 47%-i). Activision-un pul kisələrinə daha kiçik, lakin yenə də əhəmiyyətli töhfə Çili sakinləri (202 min dollar), həmçinin Avstraliya və Almaniya (təxminən 360 min dollar) tərəfindən edilib.
