Roborock şirkəti “Saros 20” modelini təqdim edib — quru və yaş təmizləmə, eləcə də özünü-təmizləmə funksiyalarına malik flaqman robot tozsoran.
Model yüksək — 35 000 Pa sorma gücü, süni intellektlə işləyən naviqasiya və ciddi maneələri aşmaq qabiliyyəti ilə seçilir. Chassis Lift 3.0 sistemi sayəsində robot korpusunun hündürlüyünü real vaxtda tənzimləyir: 7,95 sm hündürlüyündə yerlərə girə, 8,8 sm-ə qədər maneələri (yüksək eşiklər daxil olmaqla) keçə bilir.
Robot iki əsas fırçalı DuoDivide sistemi ilə tüklərin dolaşmasının qarşısını alır və 65°C isti su ilə ultrasəsli yaş təmizləmə aparır. Naviqasiya üçün LDS lazer xəritələmə, strukturlaşdırılmış işıq və RGB-kamera istifadə olunur. O, 280-dən çox maneə növünü tanıyır və ev heyvanlarını aşkar edə bilir.
SmartPlan 4.0 müxtəlif otaqları tanıyaraq təmizləmə rejimini avtomatik uyğunlaşdırır. 6400 mAh batareya sürətli enerji yığmanı dəstəkləyir. Komplektə daxil olan dok-stansiya mopları 100°C isti su ilə yuyur, 55°C isti hava ilə qurudur, toz konteynerini təmizləyir və suyu avtomatik doldurur. Sistem 60 günə qədər istifadəçi müdaxiləsi olmadan işləyə bilir.
Fikirləriniz ?
