Qarşıdan gələn flaqman qrafik kartı “NVIDIA GeForce RTX 5090” təkcə güclü və çoxlu enerji sərf edən deyil, həm də çox bahalı olacağını vəd edilir. Təxmini qiyməti isə “Chiphell” forumunda “wjm47196” istifadəçi adı ilə etibarlı insayder tərəfindən açıqlandı.
İnsayder “5090 msrp” adlı bir mövzu yaratdı və orada qısa bir mesaj yazdı:
“1999-2499 gddr7
Mənim daha buna imkanım yoxdur.”
Yeni NVIDIA GeForce RTX 5090-ın qiymətinin 1999-2499 dollar arasında olacağı gözlənilir. Müqayisə üçün qeyd edək ki, “RTX 4090 Founders Edition” satışa çıxarılarkən təklif olunan pərakəndə satış qiyməti 1599 dollar idi. Nəticədə, yeni məhsul 25-56% daha baha ola bilər. Doğrudur, müxtəlif istehsalçıların RTX 4090-ın bəzi versiyaları hələ də 1999 dollara başa gəlir. Buna görə də, insayderin video kartın qiymətini NVIDIA-nın özündən, yoxsa üçüncü tərəf şirkətlərindən göstərdiyi aydın deyil.
Şayiələrə görə, “NVIDIA GeForce RTX 5090” 21 760 CUDA nüvəsi və 32 GB GDDR7 video yaddaşı 512 bitlik keçirici şini (28 Gbit/s, ötürmə qabiliyyəti 1792 GB/s-ə qədər) 600 Vt maksimum enerji istehlakı ilə təqdim olunacaq.
Video kartın təqdimatı 2025-ci ilin yanvarında CES-də gözlənilir.
Fikirləriniz ?
