Bir il əvvəl Rockstar Games Grand Theft Auto VI-nın ilk treylerini yayımladı. O vaxtdan bəri tərtibatçılar oyunun bir dənə də yeni xüsusi detalını açıqlamayıblar — lakin bu, Take-Two nəşriyyatının rəhbərinə oyunçulara “qızıl dağlar” vəd etməkdən mane olmur.
Bu yaxınlarda verdiyi müsahibə zamanı Strauss Zelnick GTA VI-nın inanılmaz bir oyunun olacağına söz verdi. O, əmindir ki, Rockstar komandaları bütün dünya üçün xüsusi bir layihə hazırlayır və oyun ictimaiyyətin ən çılğın gözləntilərini belə aşacaq.
Strauss Zelnick: Komandalarımız təsəvvür belə edə bilməyəcəyiniz detallar üzərində işləyir. Siz nəyin gəldiyini bildiyinizi düşünürdünüz, amma əslində oyun təsəvvür etdiyinizdən daha böyük, daha yaxşı, daha həyəcanlı və gözəl olacaq.
Zelnik öz işinin mahiyyətini də qısaca izah etdi: o, Take-Two Interactive-in hitlər yaratmasını təmin etməlidir. Bəli, o, şəxsən onların istehsalında iştirak etmir, lakin korporasiyanın inkişaf vektorunu müəyyənləşdirir və bu da vacibdir.
Xatırladaq ki, GTA VI 2025-ci ilin payızında (və ya sonunda) PlayStation 5 və Xbox Series-də buraxılacaq. Analitiklər oyunun inanılmaz uğurunu proqnozlaşdırırlar.
Fikirləriniz ?
