Dünən gecə “The last of Us Part II Remastered” oyunun icmal videolarına qoyulan embarqo yığışdırıldı. Mətbuat “yeni məhsulu” çox müsbət qarşıladı: Metacritic-də 90, OpenCritic-də isə daha çox — 91 bal topladı. Mütəxəssislər Remastered-dən məmnun qaldılar: onların fikrincə, sənayenin əsas şah əsərlərindən biri daha da yüksək pillələrə çatdı.
Xatırladaq ki, “The Last of Us Part II Remastered”-in satışa çıxma tarixi yanvarın 19-na planlaşdırılıb. Oyun yalnız PlayStation 5 platforması üçün buraxılacaq.
