Weibo sosial şəbəkəsində hələ elan olunmamış iPhone SE 4 üçün korpusun insayder fotoları peyda olub. Aksesuar gələcək yeni məhsulun görünüşü ilə bağlı bir sıra şayiələri təsdiqləyib, həmçinin sələfləri ilə müqayisədə onu hansı dəyişikliklərin gözlədiyini açıq şəkildə nümayiş etdirib.
Mənbənin sözlərinə görə, gələcək yeni məhsulda Face ID skaneri üçün kəsikli displey olacaq. Smartfonun ekran diaqonalının 6,1 düym olacağı gözlənilir. Beləliklə, cihaz SE seriyasının bütün tarixində Apple-ın ən böyük (ölçüsünə görə) büdcəli cihazına çevriləcək.
Smartfonun arxa tərəfində xüsusiyyətləri barədə hələ ki, məlumat verilməyən iri obyektivli tək əsas kamera və kiçik LED flaş olacaq. Korpusun yan tərəfində klassik səs düymələri və səssiz rejim açarı üçün kəsikləri görə bilərsiniz.
Apple özü hələ iPhone SE ailəsinin yeni modelini buraxmaq niyyətini açıqlamayıb və cihazın qiyməti də məlum deyil. Şayiələrə görə, smartfonun təqdimatı artıq bu il baş tutacaq.
Fikirləriniz ?
