Apple şirkəti iPad Air xəttini “bölmək” qərarına gəldi və yeni məhsulu iki ölçüdə təqdim etdi: müvafiq olaraq diaqonalı 13 və 11 düym. Qalan xüsusiyyətlər demək olar ki, dəyişməz qaldı, yalnız 2024 modelləri yeni prosessorla təmin edildi.
Hər iki planşet 100% təkrar emal olunmuş alüminiumdan hazırlanıb və M2 prosessoruna sahibdir. Apple şirkətinin məlumatına görə, mərkəzi prosessorun özü M1-dən 15%, inteqrasiya olunmuş qrafikası 25%, neyroçipi isə 40% daha sürətlidir. Birlikdə, bu xüsusiyyətlər və daha yüksək diapazonlu yaddaş planşetini Apple M1 prosessorlu əvvəlki modeldən 50% daha sürətli edir.
Ümumilikdə isə hər iki model əvvəlki Air-ə bənzəyir. Bundan başqa, ön kamera indi cihazın geniş tərəfində yerləşir. Həmçinin 12 meqapiksellik arxa kamera, Touch ID, yenilənmiş stereo dinamiklər və Apple Pencil stylus üçün dəstək var. Yeniliklərdən biri də Wi-Fi 6-dan 6E-yə təkmilləşdirmədir.
Yaddaş modifikasiyaları dəyişdi: 64 GB əvəzinə əsas versiya 128 GB-la təchiz olunub və əlavə olaraq 512 GB və 1 TB modifikasiyaları da var. Ən sərfəli 11 düymlük versiya 599 dollara, 13 düymlük isə 799 dollara satılır. Ön sifarişlər artıq dünəndən bəri açıq elan olundu, ümumi satışlar isə artıq gələn həftə başlayacaq.
Fikirləriniz ?
