Qarşıdan gələn “Motorola Razr 50” smartfonu Çin tənzimləyicisi TENAA tərəfindən sertifikatlaşdırılıb. Agentlik rəsmi fotoşəkilləri dərc etməklə XT2453-2 indeksli cihazın həm əsas texniki xüsusiyyətlərini, həm də dizayn xüsusiyyətlərini açıqlayıb.
Mənbənin məlumatına görə, smartfon 1080×2640 piksel təsvir ölçülü 6,9 düymlük əsas ekrana, 120 Hz təzələnmə tezliyinə və 32 meqapiksellik ön kamera ilə təchiz olunacaq. Çöl tərəfində 50 və 13 meqapiksellik kameralar üçün kəsikləri olan 3,6 düym diaqonallı köməkçi OLED displey (1056×1056 piksel) mövcuddur.
Prosessor modeli göstərilməyib — amma qeyri-rəsmi məlumatlara görə, ehtimal ki, söhbət MediaTek Dimensity 7300X-dən gedir. Ancaq yaddaş konfiqurasiyaları məlumdur: 8/10/12/16 GB RAM və 1 TB-a qədər daxili yaddaş. Ümumi tutumu 3950 mAh olan bir cüt akkumulyator yeni məhsulun işləməsinə cavabdeh olacaq (çox güman ki, istehsalçı bu rəqəmi 4000 mAh-a qədər yuvarlaqlaşdıracaq). Doldurma gücü 33 Vt, smartfonun ölçüləri 171,3 x 73,9 x 7,2 mm, çəkisi isə 188 qram olacaq.
Razr 40 seriyası 1 iyun 2023-cü ildə nümayiş olunmuşdu, ona görə də Razr 50-nin buraxılışı da yaxın gələcəkdə baş tutması gözlənilir. Təqdimatın dəqiq tarixi və cihazın qiyməti hazırda hələ məlum deyil.
Fikirləriniz ?
