“Geekbench” bazasına yeni “Intel Core Ultra 5 225F” prosessoru əlavə olunub. “K” indeksli modellərdən fərqli olaraq, o, daha aşağı TDP və məhdud overclock imkanlarına malikdir.
Benchmarka görə, “Core Ultra 5 225F” 10 nüvəni əhatə edir, bunlardan altısı yüksək performanslı Lion Cove və dörd enerjiyə qənaət edən Skymont nüvələri olacaq. Maksimum CPU tezliyi 4,9 GHz-dir. Texniki göstəricilərə əsasən, prosessor Core i5-14400-ün davamçısı olacaq.
Performansdan söz düşmüşkən, prosessor tək və çox yivli testlərdə müvafiq olaraq 2653 bal və 13028 xal toplayıb. Bu nəticələr eyni testlərdə Core i5-14400-dən müvafiq olaraq 10,8% və 16,7% yüksəkdir. 14 nüvəli i5-13600 hər iki testdə yeni prosessoru 5% üstələyir.
Qeyd edək ki, “Intel Core Ultra 5 225F” modelin təqdimatı yanvarda “CES 2025” tədbirində gözlənilir.
Fikirləriniz ?
