Hər il keçirilən “Galaxy Unpacked” tədbirində Samsung şirkəti “Galaxy S25 Ultra” smartfonun başçılıq etdiyi yeni flaqman smartfon seriyasını təqdim etdi. Qısa desək, qurğu proqram innovasiyalarına diqqət yetirməklə, sələfinin bir qədər təkmilləşdirilmiş versiyasıdır.
“Samsung Galaxy S25 Ultra” görünüşü bir qədər dəyişdi. Əvvəlki modeldən ən böyük fərqi korpusun daha yuvarlaq küncləridir. Çərçivə hələ də titandan hazırlanmışdır və ekran dayanıqlı Corning Gorilla Armor 2 şüşəsi ilə qorunur, ondan əlavə smartfon daxilində, xüsusi yuvada quraşdırılmış “S Pen” stilusu da yerində qaldı.
Smartfon 6,9 düymlük nəhəng Dynamic AMOLED 2X 120 Hz displeyi ilə təchiz edilib. Cihaz aşağıdakı kameralar dəsti ilə təchiz edilmişdir:
— geniş bucaq: 200 MP, baxış bucağı 85 dərəcə, diyafram f/1.7;
— ultra geniş bucaq: 50 MP, 120 dərəcə baxış bucağı, f/1.9 diyafram;
— Telefoto: 50 MP, 22 dərəcə baxış bucağı, f/3.4 apertura, 5x optik zum;
— Telefoto: 10 MP, 36 dərəcə baxış bucağı, f/2.4 apertura, 3x optik zum;
— Ön: 12 MP, 80 dərəcə baxış bucağı, f/2.2 diyafram.
Samsung iddia edir ki, yeni 50 meqapiksellik ultra geniş kamera Galaxy S24 Ultra-dakı 12 meqapiksellik kameradan dörd dəfə daha aydın fotoşəkillər çəkir. Bundan əlavə, yeni ProVisual alqoritmi ilə smartfon standart olaraq 10 bitlik HDR video çəkə bilir.
Cihaz Android 15 və yenilənmiş One UI 7 interfeysi ilə təchiz edilib. Aparat platforması 3 nanometrlik Qualcomm Snapdragon 8 Elite for Galaxy prosessorudur — flaqman Snapdragon 8 Elite-in xüsusi versiyası. Yeni məhsul həmçinin “Ray Tracing” texnologiyasını dəstəkləyir. Smartfonun 12 GB operativ yaddaş və 256 GB, 512 GB və ya 1 TB yaddaşıla gəlir. Batareyanın həcmi 5000 mA/s təşkil edir. “Galaxy S25 Ultra”-nın ölçüləri 162,8 x 77,6 x 8,2 mm, çəkisi isə 218 qramdır.
Fikirləriniz ?
