Çinli avtomobil istehsalçısı XPeng, yeni elektriklə işləyən çoxməqsədli X9 avtomobilini təqdim edib. Bu elektromobil sürətli şarj texnologiyasını dəstəkləyir və idarəetməni yolda etibar etmək mümkün olan “Turing AI” avtonom sürüş sistemindən istifadə edir.
Avtopilot aktivləşdirildikdə, hərəkət zolağının dəyişdirilməsi və hətta park sahəsində naviqasiya sürücünün iştirakı olmadan həyata keçirilir. Texniki xüsusiyyətlərinə gəlincə, X9 XPeng-in 800V platforması əsasında hazırlanıb və ultra sürətli şarj texnologiyasını dəstəkləyir. İstehsalçının sözlərinə görə, avtomobil cəmi 10 dəqiqə ərzində 10%-dən 80%-ə qədər şarj olunur və bu müddətdə 405 km məsafə üçün enerji toplayır.
Elektromobilin enerji sərfiyyatı hər 100 km üçün cəmi 16.2 kVt/s təşkil edir ki, bu da sinfində ən aşağı göstəricidir. Salonun arxa hissəsində sərnişinlər üçün 21.4 düymlük böyük ekran və simsiz şarj panelləri quraşdırılıb.
Təhlükəsizlik bu modelin əsas üstünlüklərindən biridir. XPeng X9 qəza testlərində ən yüksək qiymətləri alıb, 14 aktiv qoruma sistemi və güllə zərbəsinə bərabər zərbələrə tab gətirə bilən akkumulyatorla təchiz olunub. Adaptiv transmissiya sistemi süni intellekt tərəfindən idarə olunur və yol şəraitinə uyğunlaşır.
Elektromobilin qiyməti hələ açıqlanmayıb, lakin ilk tədarüklər 2025-ci ildə planlaşdırılır.
Fikirləriniz ?
