5 iyun tarixində “Nintendo Switch 2”-nin satışlarına start verildi — gözlənildiyi kimi, satışlar olduqca yüksək səviyyədədir. Şirkət cəmi dörd gün ərzində əldə olunan nəticələri açıqlayıb: bu, şirkət tarixində ən sürətlə satılan konsol olub.
Cəmi bir həftə ərzində dünyada 3,5 milyonadək “Nintendo Switch 2” konsolu satılıb. Bu göstərici şirkətin tarixində rekorddur — indiyədək heç bir cihaz bu qədər tez satılmayıb. Məsələn, ilk Switch modelinin 2,74 milyon ədəd satılması üçün bir ay lazım olmuşdu. Üstəlik, cihazlarda qıtlıq yaşanmayıb: tələbatın yüksək olacağını gözləyən şirkət öncədən kifayət qədər ehtiyat hazırlamışdı.
Qeyd edək ki, şirkət bu ilin sonuna qədər 13 milyon ədəd cihaz satmağı planlaşdırır — yeniliyin uğuruna o qədər əmindirlər ki, jurnalistlərə test üçün belə nüsxələr göndərilməyib. Bu arada, “ifixit” mütəxəssisləri təmir baxımından ürəkaçan nəticələrə gəlməyib: relizdən cəmi bir neçə gün sonra “Switch 2”-nin təmir imkanı 10 üzərindən cəmi 3 balla qiymətləndirilib. Məsələn, kart yuvası indi birbaşa lövhəyə lehimlənib, cihazda tərkibi məlum olmayan qəribə rəngli termopasta istifadə olunub, həmçinin kontrollerlərdə hələ də driftə meyilli olan potensiometrlər yer alır.
Fikirləriniz ?
