PlayStation 5-in çıxışından artıq beş il keçir və bir çoxları, o cümlədən Sony özü, artıq növbəti nəsil konsol haqqında düşünməyə başlayır. Buna baxmayaraq, əvvəlki nəsil – PS4 hələ də çoxlu sayda oyunçular arasında populyarlığını qoruyub saxlayır.
Sony 2025-ci ilin ikinci rübünün sonuna dair yeni maliyyə hesabatı təqdim edib. Həmin hesabatdan məlum olub ki, PlayStation 5-in istifadəyə verilməsindən bəri ilk dəfə olaraq bu konsoldan istifadə edənlərin sayı PlayStation 4 istifadəçilərinin sayını ötüb. Sony-nin məlumatına görə, hələ 2024-cü ildə hər iki nəsil konsolun aktiv istifadəçi sayı təxminən bərabər idi – hər biri üçün təxminən 49 milyon nəfər. 2025-ci ildə hər iki konsolun göstəriciləri artsa da, PS5 ilk dəfə lider olub – bu konsoldan aylıq olaraq 124 milyondan çox istifadəçi aktiv şəkildə istifadə edir, PS4 üçün isə bu rəqəm 97 milyon təşkil edir.
Sony-nin prezidenti Hideaki Nishino-nun sözlərinə görə, PlayStation 5-in uğuru konsolun oyunçulara Sony-nin məzmunu ilə “ən yaxşı şəkildə qarşılıqlı əlaqə imkanı” təqdim etməsi ilə bağlıdır. Yeni istifadəçilər daha aktivdir, daha çox pul xərcləyir və Sony-nin oyunlarında daha çox vaxt keçirirlər – bu göstəricilər PS4 dövrünün oyunçularından xeyli yüksəkdir. Bununla belə, Nishino qeyd edir ki, PS4 hələ də Sony oyunlarını oynamaq üçün əlçatan variant olaraq qalır və şirkət bu konsola dəstəyi dayandırmağı düşünmür.
Fikirləriniz ?
