NVIDIA şirkəti noutbuklar üçün yeni “GeForce RTX 5050” videokart modelini təqdim etdi. Şirkət yeni modelin texniki xüsusiyyətlərini açıqlayıb və onun performansını həm əvvəlki nəsillə, həm də hazırkı nəsilin “altmışıncı” modeli ilə müqayisə edib.
NVIDIA GeForce RTX 5050 GB207 qrafik çipi üzərində qurulub və 2560 CUDA nüvəsinə malikdir. O, 128-bit yaddaş şinası üzərində çalışan 8 GB GDDR7 videoyaddaş ilə təchiz olunub ki, bu da 384 GB/s ötürmə qabiliyyəti təmin edir. Videokartın TDP limiti 115 Vt səviyyəsindədir.
RTX 5050 ilə təchiz olunmuş noutbuklar artıq satışdadır. İlk modellərdən bəziləri Intel Core i7 14650HX prosessorlu Mechrevo Kuangshi X və ASUS TianXuan 6 olub. Çində onların qiyməti $913-dən başlayır (RTX 5060 ilə oxşar modellərdən 30–40 dollar daha ucuzdur).
Şirkətin rəsmi performans müqayisəsi isə belədir:
• Time Spy: 10 269 xal (RTX 4050-dən 9% çox, RTX 5060-dan 18% az)
• Firestrike Extreme: RTX 5060-dan 19% yavaşdır
• Port Royal: RTX 5050 — RTX 5060-dan 18% yavaş, lakin RTX 4050-dən 27% sürətlidir.
Fikirləriniz ?
