Steam xidməti istifadəçilərin işini asanlaşdırmaq üçün vaxtaşırı yenilənmələr alır. Bu dəfə isə hər kəsin istifadə edə biləcəyi təkmilləşdirilmiş performans örtüyü (overlay) ictimai istifadəyə təqdim edilib.
Yenilənmə bir müddət test versiyasında mövcud idi, amma indi bu yeni örtük bütün istifadəçilər üçün əlçatandır. Yeni örtük təkcə kadr tezliyini (FPS) deyil, həmçinin prosessor və videokartın yüklənməsini, yaddaş istifadəsini, frame time göstəricilərini və çıxış/simulyasiya olunmuş kadrların sayını izləməyə imkan verir.
Əlbəttə ki, istifadəçilər vizual elementlərin görünüşünü ətraflı şəkildə tənzimləyə bilərlər — ekranda yerləşmə, mətnin ölçüsü və arxa fon kimi detallar daxil olmaqla.
Performans monitoru və onun funksiyaları haqqında daha ətraflı məlumatı Steam-in rəsmi qeydlərində oxuya bilərsiniz. Funksiyanı aktiv etmək üçün ayarlara daxil olub “Oyunda” bölməsini seçmək və “Performans monitorunu göstər” sətrini tapmaq kifayətdir.
Fikirləriniz ?
