Hər il “EA Sports FC” futbol simulyatorunun yeni bir hissəsi təqdim olunur. İndi isə növbəti versiyanın vaxtı çatıb və nəşriyyatçının sözlərinə görə, bu versiyada nəzərəçarpacaq dəyişikliklər olacaq.
EA Sports FC 26 oyununa yeni driblinq sistemi əlavə ediləcək — idarəetmə daha hamar və çevik olacaq, futbolçuların hərəkətləri isə daha dinamik görünəcək. Qapıçıların davranışı da dəyişəcək – onlar maşın öyrənməsi əsasında yenilənmiş mövqe seçimi sistemi ilə sahədə daha ağıllı şəkildə yerləşəcəklər. Bundan əlavə, həm rəqabətli, həm də tək oyun rejimləri üçün iki ayrı gameplay tənzimləmə preseti mövcud olacaq.
Karyera rejimi də yeniliklərə məruz qalacaq:
• Menecer karyerasında əlavə funksiyalar əlçatan olacaq,
• Oyunçu karyerasında isə tanınmış futbolçuların arxetipləri üzrə inkişaf və perklər sistemi ilə bacarıqların artırılması imkanı yaradılacaq.
EA Sports FC 26-nın relizi 19 sentyabr tarixində baş tutacaq və oyun PC, PS4, PS5, Xbox One, Xbox Series, Switch və Switch 2 platformalarında satışa çıxarılacaq.
Fikirləriniz ?
