GTA: San Andreas, Rockstar Games-in ən kult oyun seriyalarından biri sayılır. Rəsmi remaster mövcud olsa da, pərəstişkarlar hələ də tammiqyaslı remeyk haqqında xəyal qurmaqdan vaz keçmirlər — məsələn, Unreal Engine 5-də hazırlanmış versiya kimi.
EnzoElRich YT adlı YouTube bloqeri və oyun həvəskarı GTA: San Andreas oyununu Unreal Engine 5 oyun mühərrikinə keçirməyə qərar verib. O, oyunun əsas mexanikasını, lokasiyalarını və animasiyalarını dəyişməyib — yenə də hamımıza tanış olan məkanlar, bir qədər qəribə hərəkətlər və atışma səhnələri qorunub saxlanılıb. Amma bütün bunları o, sıfırdan yaradıb və orijinal oyunu maksimum dəqiqliklə yenidən canlandırmağa çalışıb. Bununla yanaşı, o, teksturaları və personaj modellərini yeniləyib, MetaHuman dəstəyini, Lumen işıqlandırma sistemini və DLSS texnologiyasını əlavə edib.
Belə bir remeykin geniş auditoriyaya çatıb-çatmayacağı və ya ümumiyyətlə işıq üzü görüb-görməyəcəyi hələ məlum deyil. Çünki layihə üzərində bloqer təkbaşına işləyir. Üstəlik, Rockstar-ın ana şirkəti olan Take-Two belə fanat layihələrini rəsmi çıxışa az qalmış tez-tez dayandırması ilə tanınır.
Fikirləriniz ?
