OpenAI yaxın günlərdə yeni GPT-5 modelini təqdim etdi. Sistem kodlaşdırma və gündəlik tapşırıqlarda daha ağıllı olub, həm “sürətli”, həm də “düşünərək” cavab vermə rejimlərinə malikdir. Model həmçinin şəkilləri də anlayır, səhvləri 45% azaldıb və 400 min tokenlik kontekstə sahibdir. Pro versiyada Gmail və Google Calendar inteqrasiyası, agent funksiyaları və “Study & Learn” rejimi var. Baza versiya pulsuzdur, amma məhdudiyyətlərlə.
İstifadəçi reaksiyası
İlk rəylər qarışıq oldu. Reddit-də bəzi istifadəçilər cavabların zəiflədiyini iddia etsə də, sonradan bəlli oldu ki, səbəb texniki səhvlər imiş — sorğular bəzən köhnə modellərə yönləndirilirdi. OpenAI bunu düzəldərək hansı modelin cavab verdiyini göstərən indikator əlavə etdi.
Bəzi istifadəçilər isə GPT-4o-nun “şəxsi üslubunu” darıxıblar. OpenAI buna cavab olaraq GPT-4o-ya yenidən çıxış verdi və GPT-5-in “Think” limitini artırdı.
🎙️ Ekspert rəyləri və nəticələr
Mütəxəssislər GPT-5-i xüsusən kodlaşdırmada güclü hesab edir. Məsələn, ML mütəxəssisi Denis Şiryayev, onunla sıfırdan işləyən Python layihəsini 2 saata yaratdığını deyib. Testlərdə GPT-5 biznes tapşırıqlarında 15–100% irəliləyiş göstərib və GPT-4o-dan açıq üstün olub (68% vs 32%).
Nəticə: GPT-5 bəlkə də inqilab olmadı, amma bir çox praktik işlərdə ciddi irəliləyiş təklif edir. OpenAI isə öyrəndi ki, istifadəçiyə seçim imkanı və şəffaflıq vacibdir.
Fikirləriniz ?
