ABŞ əmək bazarında hazırda yeni bir problem yaranıb: bir neçə il əvvəl İT bumu ilə ruhlanan ixtisaslı məzunlar indi iş tapmaqda çətinlik çəkir və məyus olurlar. Onların yerini əsasən süni intellekt (Sİ) tutub.
2010-cu illərdə Microsoft kimi şirkətlər məzunlara yüksək maaş, bonus və səhm paketləri vəd edirdi. Bu təbliğat nəticəsində ötən il ABŞ-da İT üzrə tələbələrin sayı 170 minə çatdı — on il əvvəldən iki dəfə çox. Lakin pandemiya dövründəki müvəqqəti artım sonradan azalma ilə əvəz olundu. Böyük şirkətlər təcrübəli mütəxəssisləri də ixtisar edir, yeni məzunlar isə onlarla rəqabətdə uduzur.
Sİ sadə və rutin proqramlaşdırma işlərini avtomatlaşdırır, həmçinin CV-lərin ilkin seçimində də istifadə olunur. Nəticədə bir çox namizədlərin müraciətləri insan resurslarına belə çatmır. Məzunlar da CV-lərini Sİ ilə hazırlasa da, bu, nəticə vermir.
Məsələn, 25 yaşlı Zak Teylor 2023-cü ildə kompüter texnologiyaları üzrə məzun olub, 5762 CV göndərsə də, cəmi 13 müsahibə şansı qazanıb və hələ də ixtisasına uyğun iş tapa bilməyib. Dövlət sektorunda da iş imkanları azalıb. Bəziləri satış üzrə mütəxəssis olur, digərləri isə fast-food restoranlarında çalışır — burada onların peşə bacarıqları istifadə olunmur.
Fikirləriniz ?
