Tibətdə sahəsi böyük bir meqapolisin ərazisi ilə müqayisə oluna biləcək nəhəng günəş stansiyasının tikintisi gedir. Kompleks bir milyona qədər ev təsərrüfatını elektrik enerjisi ilə təmin edə biləcək, panellər isə artıq səhranın böyük hissələrini örtüb. Günəş modullarının sıraları arasında hətta qoyunlar da otarılır. Yerli sakinlər bu sürüləri zarafatla “fotovoltaik” adlandırırlar.
Tikinti Çinin CO₂ emissiyalarını azaltmaq üzrə milli proqramının bir hissəsinə çevrilib. Enerji və Təmiz Hava Araşdırmaları Mərkəzinin məlumatına görə, 2025-ci ilin ilk yarısında ölkənin karbon emissiyaları 1% azalıb.
Günəş enerjisi güclərinin rekord sürətlə istifadəyə verilməsinə (altı ayda 212 GVt) baxmayaraq, Çin hələ də dünyanın ən böyük kömür istehlakçısı olaraq qalır. 2023-cü ildə ölkə 4,3 milyard ton yanacaq yandırıb ki, bu da dünya üzrə 55%-lik pay deməkdir. Problem ondadır ki, elektrik şəbəkələri və infrastruktur bərpa olunan enerji mənbələrinin artımına hələ çatmır.
Qərbin səhralıq bölgələrindən şərqdəki sənaye mərkəzlərinə enerji ötürmək üçün Çin yeni elektrik xətləri çəkir. Onlardan biri artıq Çinhay və Henan vilayətlərini birləşdirir. Daha iki xətt layihə mərhələsindədir, o cümlədən sıx əhalisi olan Quandun vilayətinə qədər uzanacaq xətt.
Fikirləriniz ?
