Kembric alimlərinin kəşfi günəş enerjisinin gələcəyini dəyişmək potensialına malikdir. Onlar işığı effektiv şəkildə elektrik enerjisinə çevirə bilən yeni tip orqanik material yaradıblar. Bu texnologiya gələcəkdə daha kompakt və əlçatan günəş panellərinin hazırlanmasına yol aça bilər.
Tədqiqatçılar P3TTM adlı orqanik molekulu öyrəniblər və aşkar ediblər ki, sıx şəkildə yerləşdirildikdə o, xüsusi formada qarşılıqlı təsir göstərir: qonşu hissəciklərdəki cütləşməmiş elektronlar növbəli şəkildə düzülür.
İşığın təsiri altında bir elektron qonşu hissəyə keçərək müsbət və mənfi yüklər yaradır, bu yüklər isə fotocərəyan kimi çıxarıla bilir. Adətən orqanik günəş elementlərinin işləməsi üçün elektron donoru və akseptoru tələb olunur. Lakin yeni texnologiya bu prinsipi dəyişir və elektrik enerjisinin yaranma prosesi tək bir materialda mümkündür.
Ümumi güc göstəriciləri hələ açıqlanmasa da, alimlər əmindirlər ki, bu kəşf yeni nəsil ucuz və kompakt günəş elementlərinin yaradılmasına kömək edəcək.
Fikirləriniz ?
