Skeptiklərin gözləntilərinə baxmayaraq, payızın ən əsas relizlərindən biri Battlefield 6 oldu — Electronic Arts, DICE və Battlefield Studios uğursuz Battlefield 2042-dən sonra oyunçuların rəğbətini qaytarmağı bacardılar. Oyun o qədər yaxşı satılır ki, tərtibatçılar onu müvəqqəti olaraq pulsuz da ediblər.
25 noyabr – 2 dekabr tarixləri arasında (Bakı vaxtı ilə 14:00-a qədər) oyunçular məhdud kontent paketini tamamilə pulsuz sınaqdan keçirə bilərlər. Bunun üçün sadəcə bir ay əvvəl işə salınmış “Battle Royale” — Battlefield REDSEC yükləmək kifayətdir.
İstifadəçilər üçün üç xəritə (Siege of Cairo, Eastwood və Blackwell Fields) və dörd oyun rejimi (“Zəbt”, “İrəliləyiş”, “Komanda döyüşü” və “Saboataj”) əlçatandır. Bütün irəliləyiş tam versiyaya keçəcək və yaxşı tərəfi odur ki, Black Friday endirimi çərçivəsində oyunun özü 15% endirimlə satılır.
Xatırladaq ki, Battlefield 6 10 oktyabrda PC, PlayStation 5 və Xbox Series üçün çıxıb. Hərbi şuter həm oyunçuların, həm də tənqidçilərin rəğbətini qazanıb — yalnız hekayə kampaniyası qısa və qeyri-aydın olduğu üçün bəyənilməyib. Bununla belə, Call of Duty: Black Ops 7 fonunda bir daha aydın oldu ki, hər şey müqayisədə dəyər qazanır.
Fikirləriniz ?
