Xiaomi flaqman 17 Ultra smartfonunun yeni tizerlərini yayımlayıb. Bu dəfə şirkət cihazın təqdimat gününü açıqlayıb, həmçinin korpus üçün rəsmi rəng variantlarını göstərib. Bununla yanaşı, gələcək yeniliyin kamerası barədə bəzi detallar da məlum olub.
Xiaomi 17 Ultra 25 dekabr tarixində, Bakı vaxtı ilə saat 15:00-da təqdim olunacaq. Yenilik qara, ağ və yaşıl rəng variantlarında satışa çıxacaq. Smartfon düz kənarlı metal korpus və seriya üçün xarakterik olan “yumru” formalı kamera bloku ilə təchiz ediləcək.
Məlumata görə, yeni model 200 meqapiksellik zum-modul və “1 düymlük” sensor əldə edəcək. Markirovkaya əsasən, əsas kameranın diafraqması f/1.67 olacaq, ekvivalent fokus məsafələrinin ümumi diapazonu isə 14–100 mm təşkil edəcək.
Xiaomi 17 Ultra modelinin qiyməti təqdimat günü açıqlanacaq.
Fikirləriniz ?
