Qlobal yaddaş çatışmazlığı və onun bahalaşması artıq elektron sənayenin bir çox sahələrinə təsir göstərir və bu, hələ başlanğıcdır. 2026-cı ildə vəziyyət daha da ağırlaşacaq və əsas zərbə smartfon bazarına dəyəcək.
Analitiklərin proqnozuna görə, operativ (DRAM) və fləş yaddaşın (NAND) bahalaşması səbəbindən smartfonların orta qiyməti 2026-cı ilin əvvəlində təxminən 440 dollardan 511 dollara yüksələcək. Bu da satışların azalmasına səbəb olacaq. IDC 2026-cı ildə qlobal smartfon satışlarının 0,9% azalacağını bildirir.
Xüsusilə büdcə və orta seqment Android smartfonlar daha çox bahalaşacaq, bazar isə tədricən premium modellərə yönələcək. Xiaomi və Realme də gələn il mobil cihazların qiymətlərində ciddi artım olacağını təsdiqləyiblər.
Bahalaşmanın əsas səbəbi çip istehsalçılarının İİ (AI) üçün yaddaş istehsalına üstünlük verməsidir. Bu proses smartfonlarla yanaşı, noutbuk, videokart və digər elektron cihazların qiymətlərinə də təsir edəcək.
Fikirləriniz ?
