Operativ yaddaş modullarının “kosmik” qiymətləri artıq adi hal alıb və yaxın vaxtlarda videokartların da bahalaşacağı gözlənilir. AMD və NVIDIA nümayəndələri mövcud çatışmazlıqla bağlı açıqlamalar versələr də, onların “antikrizis” planları qeyri-adi görünür.
Şirkətlər aktual avadanlıqların qiymətini endirməyi planlaşdırmır. Əvəzində, daha ucuz maya dəyərinə malik, artıq köhnəlmiş komponentlərin istehsalının bərpa olunması daha real ssenari hesab olunur.
AMD-nin vitse-prezidenti Devid Makafi AM4 ekosisteminin genişləndirilməsinə hazırlaşdıqlarını bildirib. Söhbət Zen 3 arxitekturası və DDR4 yaddaş dəstəyi ilə Ryzen 5000 seriyasının yeni modellərindən gedə bilər. Bu, köhnə sistem sahiblərinə platformanı dəyişmədən kompüterlərini yeniləmək imkanı verəcək.
NVIDIA rəhbəri də köhnə GPU modellərinin istehsalının genişləndirilə biləcəyini qeyd edib və müasir süni intellekt funksiyalarının köhnə videokartlara inteqrasiyasının mümkünlüyünü istisna etməyib.
İxtisaslaşmış mediaya görə, NVIDIA 2026-cı ilin ilk rübündə GeForce RTX 3060 modelinin istehsalını bərpa edə bilər. Bu addım oyun üçün nəzərdə tutulan videokart çatışmazlığını qismən də olsa azaltmağa kömək edə bilər.
Fikirləriniz ?
