Şəbəkədə Qualcomm-un yeni flaqman ARM-çipi Snapdragon X2 Elite Extreme-in ilk test nəticələri ortaya çıxıb. “Sintetik” testlərdə göstərdiyi performans kifayət qədər təsir edicidir — bu göstəricilərə əsasən, yenilik Apple M-seriyalı prosessorlarla rəqabət apara biləcək.
Geekbench testlərinin nəticələrinə görə, X2E-96-100 modeli tək nüvəli testdə 4072, çoxnüvəli testdə isə 23 611 bal toplayıb. Beləliklə, performans səviyyəsinə görə yeni çip təxminən Apple M4 Max-ə bərabərdir və tələbkar tapşırıqlarda M4 Pro-nu geridə qoyur, lakin tək nüvəli ssenaridə Apple M5-dən geri qalır.
Xatırladaq ki, Snapdragon X2 Elite Extreme maksimum 5,0 GHz tezlikli 18 nüvə ilə təchiz olunur və süni intellekt tapşırıqlarının icrası üçün 80 TOPS-a qədər məhsuldarlıq təqdim edən NPU moduluna malikdir.
Fikirləriniz ?
