“Liquid Swords” kriminal döyüş oyununun hazırlanma gündəliklərini yayımlayıb. Videoda əsas diqqət əlbəyaxa döyüşlərə və avtomobil təqiblərinə yönəlib.
Gözlənildiyi kimi, oyundakı dava-dalaş olduqca amansız olacaq — baş qəhrəman təkcə yumruqlarla döyüşmür, eyni zamanda ətraf mühiti ağılla istifadə edir (o cümlədən improvizə olunmuş silahları) və bunları düşmənlərinə qarşı çevirir. Müəlliflər dünyanın canlı və interaktiv görünməsini istəyiblər, buna görə də demək olar ki, bütün dekorasiya elementləri baş verənlərə reaksiya verir (çəpərlər və yeşiklər sınır, çəlləklər aşır və s.).
Treylərdən həm də məlum olub ki, dizaynerlərin gözündə Samson-da avtomobillər sadəcə nəqliyyat vasitəsi deyil, yaşamaq üçün bir alətdir. Onların köməyi ilə, məsələn, polisdən qaçmaq və müxtəlif tip tapşırıqları yerinə yetirmək mümkündür. Təqiblərin mümkün qədər baxımlı görünməsi üçün “Liquid Swords” avtomobillərin çəkisini və sürətini nəzərə alan, həmçinin onların sadəcə darıxdırıcı şəkildə “ölməsinə” imkan verməyən detallı zədələnmə sistemi yaradıb. Komandanın ideyası aydındır: oyundakı qəzalar gec dövr Burnout oyunlarını xatırladır.
Xatırladaq ki, Samson ilk olaraq PC üçün çıxacaq. Tərtibatçılar oyunu daha sonra konsollarda da buraxmağı planlaşdırırlar.
Fikirləriniz ?
