Analitik agentlik TrendForce 2026-cı il üçün noutbuk qiymətləri ilə bağlı proqnoz yayımlayıb. Rəqəmlər o qədər də ümidverici deyil: ekspertlərin hesablamalarına görə, süni intellekt bumunun təsiri nəticəsində yaddaş və prosessorun qiyməti orta səviyyəli noutbukun dəyərinin yarıdan çoxunu təşkil edə bilər.
Analitiklərin fikrincə, 2026-cı ildə qlobal noutbuk bazarı aşağı tələbat və eyni zamanda qiymət artımı təzyiqi altında olacaq. Əgər 2025-ci ilin birinci rübündə noutbukun qiymətində DRAM və SSD yaddaşlarının ümumi payı 15% idisə, 2026-cı ilin eyni dövründə bu göstərici artıq 30%-ə yaxınlaşıb, prosessoru da nəzərə aldıqda isə 45%-ə çatır.
Proqnoza görə, qiyməti 900 dollar olan noutbuklar yaxın zamanda orta hesabla 40% bahalaşa bilər. Buna həm yaddaş komponentlərinin bahalaşması, həm də təchizat problemləri təsir edəcək. Süni intellekt texnologiyalarının inkişafı səbəbindən istehsalçılar daha güclü CPU-lar sifariş etməyə üstünlük verir və nəticədə büdcə seqmentində komponent çatışmazlığı yaranır.
TrendForce-un hesabatına görə, bu vəziyyət artıq Intel və AMD çipləri ilə təchiz olunmuş ucuz noutbukların əlçatanlığına təsir göstərir. Bununla belə, analitiklər qeyd edirlər ki, proqnozun dəqiqliyi yaxın dövrdə yaddaş və prosessor qiymətlərinin necə dəyişəcəyindən asılı olacaq.
Fikirləriniz ?
