Parallels Desktop emulyatorunun tərtibatçıları MacBook Neo noutbukunda proqram təminatının test mərhələsi haqqında məlumat veriblər. Məlum olub ki, daxili xüsusiyyətlərinə görə iPhone-u xatırlatsa da, bu noutbukda Windows-u işə salmaq mümkündür.
Tərtibatçıların sözlərinə görə, ilkin testlər zamanı Parallels Desktop-un MacBook Neo-da stabil işlədiyi müəyyən edilib. Bu, Apple A18 Pro çipinin Parallels Desktop emulyatorunun işləməsi üçün lazım olan aparat səviyyəli virtualizasiyanı dəstəkləməsi sayəsində mümkün olub. Müxtəlif əməliyyat sistemlərinin testləri hələ də davam edir, lakin artıq aydındır ki, bu noutbukda Windows-u işə salmaq mümkündür.
Bununla belə, noutbuk əsasən köhnə proqram versiyalarını işə salmaq kimi sadə tapşırıqlar üçün uyğun olacaq. Çünki resurs tələb edən Windows proqramları üçün bu kompüter uyğun deyil. Bunun əsas səbəbi 8 GB birləşdirilmiş yaddaşdır. Bu yaddaş macOS və işə salınmış emulyator arasında bölünəcək. Windows 11 isə minimum 4 GB yaddaş tələb edir. Buna görə də iki əməliyyat sistemi və ağır tapşırıqlar üçün bu həcm kifayət etməyə bilər.
Parallels nümayəndələri ikinci səbəb kimi passiv soyutma sistemini göstəriblər. Bu səbəbdən yüksək yüklənmə zamanı çip qızacaq və performansın azalması (throttling) baş verə bilər. Bununla belə, şirkət qeyd edir ki, rəsmi uyğunluq hələ təsdiqlənməyib və test prosesi davam edir.
Fikirləriniz ?
