Nüfuzlu insayder Digital Chat Station-ın məlumatına görə, Apple ultra nazik iPhone Air 2 üzərində çalışır. Şirkətin əsas məqsədi ilk modelin çatışmazlıqlarını aradan qaldırmaqla yanaşı, cihazın incə korpusunu qoruyub saxlamaqdır.
Əldə olunan məlumata əsasən, əsas yenilik kamera sistemində olacaq. Tək kamera əvəzinə, iPhone Air 2 48 MP əsas kamera və baza iPhone 17 modelində olduğu kimi ultra geniş bucaqlı ikinci kamera ilə təchiz ediləcək. Bundan əlavə, batareyanın tutumu 3149 mAh-dan 3500 mAh-a qədər artırılacaq. Lakin bunun korpusun qalınlığına necə təsir edəcəyi hələlik məlum deyil.
Digital Chat Station bildirir ki, ekran isə demək olar ki, dəyişməyəcək. iPhone Air 2-nin 6,55 düymlük, 120 Hz yenilənmə tezliyinə malik OLED ekranla təqdim ediləcəyi gözlənilir. Prosessor olaraq isə 2 nm texnoloji proses əsasında hazırlanacaq A20 seriyalı çipdən istifadə olunacağı bildirilir. Bu, ya standart A20, ya da daha güclü A20 Pro ola bilər.
Digər istehsalçıların ultra nazik smartfonlardan tədricən imtina etdiyi bir dövrdə, iPhone Air 2 bu seqmentdə təqdim olunan azsaylı modellərdən biri ola bilər.
Fikirləriniz ?
